ЛЕТО 2020 - ГРЦИЈА
Кушадаси

ВЕЛИГДЕН ВО ТУРЦИЈА 

КУШАДАСИ-КУЌАТА НА БОГОРОДИЦА-ЕФЕС-МАРМАРИС-ОСТРОВОТ РОДОС-ОСТРОВОТ НА ЖЕЛКИТЕ-РЕКАТА ДАЉАН-САРИМСАКЛИ

(16.04.2020-23.04.2020)

 

Две од седумте светски чуда Ви се на дланка на ова патување... Егејското и Средоземното Море ќе Ве милуваат со својата медитеранска клима... Грчкиот остров Родос ќе Ви ја разбуди средновековната фантазија преку калдрмисаните улици низ кои чекореле витезите...

Приморскиот град Мармарис, некогашното заспано рибарско село ќе Ви посака добредојде на Медитеранскиот брег ... Ако имаме среќа ќе ги видиме огромните желки кои доаѓаат да ги положат своите јајца во реката Даљан, а одтаму ќе се упатиме кон калните бањи да го почувствуваме нивниоит благодет... Многу изненадувања ќе открие ова патување, кое го започнуваме со посета на куќата на Мајката Божја во Ефес!

 

Прв ден: 16.04.2020 (четврток)- Скопје-Кавадарци-Чанак Кале

15.00 часот заминување на групата од Скопје и во 17.00 часот од Кавадарци (пред туристичките агенции) кон Турција. Ноќно возење преку Република Грција со попатни застанувања и одмори. Во утринските часови пристигнување во Галиполе и преминување на  Дарданелите со фериброд. Пристигнување во Азискиот дел на Турција, во Чанак Кале.

 

Втор ден: 17.04.2020 (петок)- Чанак Кале-Кушадаси

Краток одмор од патувањето и панорамско разгледување на Чанак Кале со фото пауза пред макетата на коњот користен  во текот на снимањето на филмот Троја. Продолжување на патувањето покрај планината Ида и Бергамо кон Кушадаси. Во попладневните часови пристигнување во Кушадаси. Сместување во хотел „Dabaklar“ 4**** во центарот на градот (http://www.dabaklarhotel.com/). Слободно време за одмор од патувањето и за индивидуални активности. Вечера. Ноќевање.

 

Трет ден: 18.04.2020 (сабота)- Кушадаси-Куќата на Богородица-Ефес-Мармарис

Појадок. Одјавување од хотелот и заминување на групата кон Ефес. Пристигнување во најсветото место во Ефес - куќата на Дева Марија каде што Богородица живеела последните седум години од својот земски живот. По разгледувањето и престојот на најубавото место за Велигден, продолжуваме кон  античкиот град Ефес-трет по големина во Римската Империја. Разгледување на градот со локален туристички водич. Попатна посета на остатоците од Храмот на Артемида-едно од седумте светски чуда кој бил изграден во 550 година пред новата ера. По површина, храмот бил четири пати поголем од храмот Партенон во Атина, имал 137 столбови поставени во два реда и бил украсен со бронзени статуи. Денес можат да се видат само остатоци од темелот на храмот. Нашето патување го продолжуваме кон преубавиот Мармарис, градот распослан на брегот на Егејското Море. По пристигнувањето следи панорамски разглед на градот, а потоа сместување на групата во хотел „Selen“ 3*** (http://selen-hotel-marmaris.marmaris.hotels-tr.net/en/). Вечера. Ноќевање.

 

Четврти ден: 19.04.2020 (недела)- Мармарис-Островот Родос

Појадок. Заминуваме на целодневна организирана посета на градот Родос на истоимениот грчки остров, главниот град на Dodekanez-островска област во Грција што ја сочинуваат 12 големи острови кои се наоѓаат во овој дел. Градот им припаѓал на Грците, на Витезите на Св. Јован, на Турците, Италијаните и на крајот повторно на Грците. Денес стариот град Родос е под заштита на УНЕСКО, а со самиот влез во него преку Капијата на Слободата ќе сфатиме дека градот е мозаик на различни култури и цивилизации. Од пристаништето во Мармарис до островот не дели околу еден час патување со глисери, а по пристигнувањето веднаш заминуваме на панорамски разглед на градот со воз. Посета на Дворецот на Витезите што всушност претставува огромна палата со четвртаст облик – необична градба, има многу кули и бедеми, мозаици на подовите, антиквитети и повеќе од 150 соби, од кои само 20 се отворени за посетителите. Потоа се спуштаме кон старото пристаниште Mandraki изградено тогаш кога е граден и самиот град-во 408 година пред новата ера. Опкружено е со три ветерници кои денес не се користат, додека на север од пристаништето се наоѓа старата тврдина Св. Никола од 15. Век. На самиот влез на пристаништето се наоѓаат остатоците од едно од седумте светски чуда на античкото време-Колосот од Родос, гигантска фигура на Хелиос, богот на Соцето од третиот век пред новата ера : два камени столба а на нив бронзени фигури на елен и на кошута.  Огромната статуа ја осмислил родоскиот вајар Ares и биле потребни дваесет години да се изгради. Основата на статуата била направена од мермер, а кога била завршена некаде околу 280 година пред Исус Христос била висока 36 метри и во тоа време била најголема во светот. Статуата стоела на ова место цели 54 години, додека на островот не се случил силен земјотрес. Статуата се скршила и целосно се срушила, а според записите на грчкиот географ Straba, остатоци од Колосот останале да лежат на земјата полни осум века. Веќе подолго време во Грција постојат планови за изградба на нов Колос кој би бил висок 120 метри и во неговата внатрешност планирано е да има музеј, изложбен простор, ресторан и светилник. Колосот би бил свртен кон Егејското Море а на врвот во високо кренатата рака ќе држи светло кое ќе се гледа не само од бродовите кои ќе минуваат овде, туку и од турскиот брег оддалечен околу 70 км. Бродовите би впловувале во пристаништето минувајќи меѓу неговите нозе, а предвидениот проект би чинел околу 283 милиони евра. Слободно време за индивидуални прошетки. Во договореното време враќање назад во Мармарис. Вечера. Ноќевање.

 

Петти ден: 20.04.2020 (понеделник)- Мармарис-Островот на желките-реката Даљан

Појадок. По појадокот заминување на групата на крстарење со брод до Островот на желките и реката Даљан. Бродот застанува на неколку места за пливање и фотографирање. Доколку не послужи среќата, ќе ги видиме и големите желки кои се атракција за туристите и кои ги закопуваат јајцата во песокот на местото каде последниот дел од реката Даљан се влева во морето. Дел од ова необично крстарење е можноста да уживате во калните бањи кои, според потврдените податоци поседуваат највисок степен на радиоактивност- 98,3 и по квалитет се веднаш после калните бањи во Индонезија. Се верува дека калта е лековита и поволно делува кај луѓето кои имаат проблем со ревматизам, лумбаго и кожни болести. Посебно доживување на ова крстарење е и глетката кон остатоците од античкото археолошко наоѓалиште Kaunos , како и ликијските кралски гробници од IV-II  век пред нашата ера во хелинистички стил, издлабени високо во околните карпи. На бродот имаме организиран ручек. Во попладневните часови враќање во Мармарис и во хотелот, побогати со уште едно ново возбудливо доживување. Вечера. Ноќевање.

 

Шести ден: 21.04.2020 (вторник)- Мармарис-Саримсакли

Појадок. Одјавување од хотелот и заминување кон Саримсакли, приморски град на самиот брег на Егејското Море, препознатлив по неповторливиот залез на сонцето. Она што е посебно карактеристично за ова туристичко место се исклучително добрите климатски услови - по препорака на Светската здравствена организација градот се наоѓа на првото место во Европа и второ во светот по лечење на дишните органи кај децата и возрасните. Со само  0,5 % влажност на воздухот, Саримсакли припаѓа на таканаречените  воздушни бањи. Сместување во хотел „Cinar“ 4**** (http://www.ayvalikcinarhotel.com/sayfa/1/cinar-hotel-hakkimizda) Вечера. Ноќевање.

 

Седми ден: 22.04.2020 (среда)- Саримсакли-Чанак Кале-Кавадарци-Скопје

Појадок. Слободно претпладне за индивидуални прошетки и  плажа (доколку дозволат временските услови). Во договореното време заминување кон Македонија преку протокот Дарданели и ноќно возење преку Република Грција со попатни застанувања и одмори. Пристигнување во Македонија во раните утрински  часови во четврток, на 23.април.

 

Промотивна цена за уплата до 10.03.2020........ 329 евра (20.400 денари)

ЦЕНА НА АРАНЖМАНОТ.........349 евра (21.640 денари)

(плаќање во денарска противвредност)

 

Напомена: Промотивната цена важи за резервација со 30 % аконтација до 10. Март

и целосна доплата до 01. Април

 

 

Во цената на аранжманот се вклучени следните услуги:

- Превоз со туристички автобус на наведената релација

- Билети за траект на Чанак Кале, за превоз со глисер до островот Родос, превоз со воз за разглед на градот Родос

- Пет полупансиони (ноќевање, појадок и вечера- шведска маса) во хотели  во Кушадаси, Мармарис и Саримсакли

- Крстарење со брод  по реката Даљан со вклучен ручек на бродо

- Влезница во куќата на Богородица

- Влезница во античкиот град Ефес 

- Влезница во Дворецот на витезите на Родос

- Локален туристички водич за сите излети  вклучени во програмата 

- Организација и лиценциран придружник на патувањето

Во цената на аранжманот не е вклучено:

- Доплата за еднокреветна соба - 150 евра

- Патничко осигурување

 

НАПОМЕНА: За реализација на патувањето потребни се минимум 40 патници