LAST MINUTE ЛЕТО 2019
ЛЕТО 2019 - ГРЦИЈА
ЛЕТО 2019 - ЕГИПЕТ
ЛЕТО 2019 - АЛБАНИЈА
СИЦИЛИЈА 2019
Авионски Програми - Братислава & Виена 25.10-27.10
Братислава & Виена 25.10-27.10

 БРАТИСЛАВА И ВИЕНА

25.10.2019- 27.10.2019

(3 ДЕНА / 2 НОЌЕВАЊА) 

Во минатото значајна одбранбена и трговска станица, денес главен политички, културен и економски центар - Братислава, главниот град на Словачка. Стариот европски град кој со сигурност ќе Ве освои со својата гастрономски богата понуда и занимливо интересна историја. Сместена е во југозападниот дел од државата, на само 1 час од Виена, но и блиску до соседната Унгарија и поранешна „братска република“ Чешка. Својот зенит овој град го достигнува кон средината на 18 - от век под владетелство на императорката Марија Тереза (последната и најистакната владетелка од Хабзбуршката династија) за која е кажано дека била еден од најголемите љубители на локалните вина во овој град. Низ историјата овој град е познат како главно „прибежиште“ за племството на Австро - Унгарија, и истиот долг временски период се нарекувал Pressburg. Но сепак на крајот од 90 - те, градските власти на Словачка решаваат да го обноват Стариот Град, па така поранешната европска визба (како што често била нарекувана од страна на Германците) набргу станува нова популарна европска дестинација.

ПРОГРАМА

1 Ден (25.10.2019 - Петок) | Скопје - Братислава

Полетување за Братислава во 19:40 часот. Пристигнување во Братислава во 21:10 часот. Организиран трансфер до хотелот. Сместување во хотел. Ноќевање.

2 Ден (26.10.2019 - Сабота) Братислава

Појадок. По појадокот следува прошетка и посета,  со претставник од агенцијата, на возобновениот Братиславски дворец кој е лоциран на блискиот рид над градот и од кој ќе имате можност да уживате во прекрасниот поглед на Дунав како и одлична панорамска глетка на градот, посета на Грашалкович палатата (Претседателската палата на Братислава), катедралата Св. Мартин, палатата Примата, Михаилската порта, плоштадот Хвиједослав на кој ќе имате прилика да го видите и Словачкиот национален театар, како и посета на Стариот Плоштад. Слободно време. Индивидуално враќање во хотел. Ноќевање.

3 Ден (27.10.2019 - Недела) | Братислава - Виена - Скопје

Појадок. Одјавување од хотел. Факултативна посета на Виена, со организиран транспорт , пратител од агенцијата и локален водич. Градот на најубавата класична музика, градот со магичната божиќна атмосфера и најбогата европска историја. Панорамски разглед на градот: плоштадот Рингштрасе, Операта, Парламентот, општината Ратхаус, Музејот на модерна уметност, градската палата, Универзитетот, палатата Белведере, Катедралата Св. Стефан, Зимскиот дворец Хофбург. Трансфер до аеродромот во Братислава. Полетување за Скопје во 21:55 часот. Пристигнување во Скопје во 23:25 часот.

ПРОМО ЦЕНА НА АРАНЖМАНОТ 179 € ( 11.098 МКД) – ЗА ПРВИТЕ 4 МЕСТА 

Oграничен број на места!

Во цената на аранжманот е вклучено:

  • Директен лет на релација Скопје - Братислава - Скопје со авиокомпанијата Wizz Air;
  • Мала кабинска торба до 8 килограми со димензии 40x30x25 cm;
  • Сместување во двокреветни соби во хотел - 2 ноќевања со појадок;
  • Организирани прошетки според програмата со придружник од агенцијата;
  • Трансфер аеродром - хотел - аеродром;
  • Организација на аранжманот и придружник на патувањето;

Во цената на аранжманот не е вклучено:

  • Доплата за еднокреветна соба;
  • Аеродромски такси – 3.100 мкд.
  • Факултативна посета на Виена – 35 еур (со трансфер, пратител и локален водич)
  • Доплата за чекиран багаж до 20кг – 2000 мкд
  • Билети за јавен превоз

Општи напомени:

  • Резервација се прави со уплата на 30% од вкупниот износ на аранжманот;
  • Целосна уплата на аранжманот е 15 дена пред почетокот на истиот;
  • Цените на аранжманот се дадени во евра за уплата во денарска противвредност по курс 1 евро = 62 мкд;
  • За реализација на аранжманот се потребни минимум пријавени 20 патника;
  • За ова патување мора да имате пасош кој има важност од минимум 90 дена по завршувањето на аранжманот,
  • Организаторот го задржува правото да ја промени цената на аранжманот во случај на промена на цената на превозот или хотелот;
  • Во случај на недоволен број на пријавени патници организаторот го задржува правото да го откаже во целост аранжманот 5 дена пред датумот на започнување на истиот;
  • Организаторот го задржува правото за промена на цените на факултативните излети, во случај на промена на цената на влезниците на локалитетите и музеите;
  • За време на разгледите на градовите наведени во програмата не се предвидени посети на внатрешноста на јавните згради, институции или културни споменици, освен ако тоа не е посебно нагласено во програмата;
  • Организаторот го задржува правото за промена на редоследот на реализација на програмата;
  • Организаторот на патувањето го задржува правото за промена на програмата за патување во случај на непредвидени објективни причини, како на пример: застој на граница, доцнење на летот, застој во сообраќајот, затвореност на некој од локалитетите предвиден за посета и слично.

За оваа програма важат општите услови за патување на СКТМ